ललितपुर । प्रहरीको ईन्काउण्टरमा मारिएका दिनेश अधिकारी उर्फ ‘चरी’लाई
गत बर्ष गोली प्रहार गर्ने राधे भण्डारी र समिरमान बस्नेतलाई पुनरावेदन
अदालत पाटनले थुनामा राख्न आदेश दिएको छ । पुनरावेदन अदालतले ज्यानमार्ने
उद्देश्यले गोली प्रहार भएको भन्दै थुनामा राख्ने आदेश दिएको हो । तर,
भण्डारी र बस्नेतलाई सो अभियोगमा जिल्ला अदालत काठमाडौंले घरौंटीमा छाडेको
थियो ।
जिल्ला अदालत काठमाडौंले घरौंटीमा छाड्न दिएको आदेशविरुद्ध सरकारी
वकिल कार्यालयले पुनरावेदन अदालत गएको थियो । पुनरावेदन अदालतले जिल्लाको
आदेश बदर गर्दै थुनामा राखेर मुद्दा पुर्पक्ष गर्न गत महिना आदेश दिएको
थियो । ०७० असार २१ मा धादिङबाट राजधानी फर्किने क्रममा चरीमाथि बाफलका
गुण्डा समिरमान बस्नेत र राधेको समूहले ज्यानमार्ने उद्देश्यसहित गोली
प्रहार गरेको थियो ।
उक्त गोली काण्डपछि चरी न्यायका लागि जिल्ला अदालत काठमाडौंमा पुगेका
थिए । तर काठमाडौं जिल्ला अदालतले एक लाख धरौंटीमा उनीहरुलाई छाड्ने आदेश
दिएको थियो । हातहतियार मुद्दामा भने ढेड लाख धरौंटीमा राधेले उन्मुक्ति
पाएका थिए । जिल्ला प्रशासन कार्यालय र अदालतको थुनछेक आदेश माग बमोजिम
नभएपछि सरकारी वकिल धरौटी बदर र थुनामा राख्नुपर्ने माग दाबी गर्दै
पनरावेदन अदालत ललितपुर पगेको थिए ।
उक्त निवेदन अनुसार थुनामा राख्न
पर्याप्त प्रमाण रहेको भन्दै पुनरावेदनले जिल्ला अदालत र जिल्ला प्रशासन
कार्यालयको थुनछेक आदेशलाई बदर गर्दै थुनामा राख्न आदेश दिएको हो । ढेड
महिना अघि पुनराबेदन अदालतबाट थुनामा राख्ने आदेश भएपनि जिल्ला अदालतले
आदेशको कार्यान्वयन गर्न सकेको छैन । धादिङमा हुने ठेक्कापट्टा, अबैध
बालुवा खानीको कमिशन नमिल्दा राधे र चरीबीचको सम्बन्धमा दरार उत्पन्न भएको
थियो । चरीको समुहले राधेका भाईको हात काटि दिएपछि सुरु भएको ग्याङवारले
अन्तत: चरीको ज्यानै गएको छ ।
भाईको हात काटि दिएपछि बदलाको भाबना जगाएका राधे बाफलका
गुण्डा समिरमान बस्नेत र राजधानीका कुख्यात गुण्डा कुमार श्रेष्ठ उर्फ
घैंटेको समुहमा आबद्ध हुन पुगेका थिए । बस्नेत र घैंटेको सहयोगमा गत बर्ष
चरीमाथि राधेको समूहले थानकोटको सतुंगलमा गोली बर्साएको थियो । गोली
प्रहारपछि अस्पताल पुगेका चरीले कानूनले कारबाही नगेर आफै ठिक पार्ने धम्की
दिएका थिए । सोही अनुसार ६ महिना अघि चरीको समूहले स्वयम्भुमा राधेमाथि
ज्यानमार्ने उद्देश्यले खुकुरी प्रहार गरेको थिए ।
राधेलाई खुकुरी प्रहार
पछि चरी प्रहरीको सुचिमा मोष्ठ वान्टेड थियो । गत साता मात्र प्रहरीको
मुडभेटमा चरी मारिएका छन् भने उनका परिवारले गैरन्यायिक हत्या भन्दै एक
सातादेखि लास बुझ्न मानिरहेका छैनन् भन्दै मंगलबार प्रकाशित जनप्रहार
साप्ताहिकले समाचार प्रकाशित गरेको छ ।
0 Comments