कलंकीमा
ट्राफिक प्रहरी र ‘सेटिङ’ मिलाउन खटिएका विभिन्न समितिको नाममा लामो
दूरीका सवारीसाधनबाट दैनिक हजारौँ रकम असुली गर्ने गरिएको छ । लामो दूरीका
सवारीसाधनलाई पार्किङ गर्न छुट दिई विभिन्न समिति र ट्राफिक प्रहरीले दैनिक
उक्त मात्रामा रकम असुल्ने गरेका छन् ।
त्यति मात्र नभई कलंकीचोकबाट
थानकोटर्फ जाने सडक किनारामा केही समय सार्वजनिक बस पार्किङ गर्न दिएर समेत
रकम असुली हुने गरेको फेला परेको छ ।
कलंकी चोकमा थानकोट नाका भएर
उपत्यकाबाट बाहिरिने लामो दूरीको सवारीसाधन रोक्न दिएबापत बिचौलियामार्फत
महानगरीय ट्राफिक प्रहरी प्रभाग कलंकी तथा वृत्त कालीमाटी समेतले रकम असुली
गर्ने गरेका छन् । कलंकी चोकबाट बल्खु चोक जाने बाटोको दायाँतिर सार्वजनिक
शौचालयको अगाडि दैनिक दर्जनौँ गाडीलाई आलोपालोमा यात्रु भर्न छुट समेत
दिने गरिएको छ ।
सार्वजनिक सडक किनारामा लामो दूरीका सवारीसाधनमा यात्रु
चढाउने कार्यमा दैनिक थुप्रै ठगिने गरेका छन् । बसको ढोका–ढोका चढेर
बिचौलियाले टिकट काट्ने र फिर्ता दिने रकम समेत नदिई भाग्ने गरेका धेरै
गुनासो बीच सडकमा पुगेपछि चालकसामु पुग्ने गरेको पीडित चालकहरु नै बताउँछन्
। आर्थिक दैनीकबाट
0 Comments