काठमाडौं, असोज ६– चलचित्र क्षेत्रको उन्नती प्रगतीमा सधैं लागिपर्ने नायक श्रीकृष्ण श्रेष्ठको स्वर्गारोहण भएको ४५ औं दिनको तिथिको अवसरमा उनको पत्नीले फेसबुकबाट पतिलाई श्रद्वाञ्जली दिएकी छिन् । श्वेताले श्रीकृष्णप्रति कविताको माध्यमबाट फेसबुकमा श्रद्वाञ्जली यसरी दिएकी छिन् ।

मुटुभरि पिडा बोकि हिड्नु पर्दो रहेछ ,
कसैको यादमा रोईरोई बाँच्नु पर्दो रहेछ ,
 
उनैलाई सम्झेर आँशु पिउनु पर्दो रहेछ ,
चिन्तै चिन्तामा स्वाश फेर्नु पर्दो रहेछ ,
जिउँदो शरीरलाई यादैयादमा मार्नु पर्दो रहेछ ,
मन मुटु थामेर ४५ दिने तिथि गर्नु पर्दो रहेछ ,
 
हिजो जितेको मायाँ पनि आज हार्नु पर्दो रहेछ ,
मनले नमान्दा नमान्दै आफ्नो मुटु छोड्नु पर्दो रहेछ ,
दुई मुटु टुक्रिएर छियाछिया भई दिन काट्नु पर्दो रहेछ ,
सकि नसकि यो बिडम्बना सहेर हिड्नु पर्दो रहेछ ,
 
कसैको यादमा रोईरोई बाँच्नु पर्दो रहेछ ,
जिउँदो शरीर पनि यादैयादमा मर्नु पर्दो रहेछ ,
मन मुटु थामेर ४५ दिने तिथि गर्नु पर्दो रहेछ ,
हिजो जितेको दिन पनि आज हार्नु पर्दो रहेछ 

( मेरो भगवान , मेरो मुटु आज हजुर जहाँ भएपनि हजुरको आत्माको चिरशान्तिको कामना गर्दै हार्दिक श्रद्धानजलि अर्पण गर्दछु । (अनलाईन खबरबाट)

Post a Comment

 
Top