काठमाडौं
सत्तारुढदल एमालेभित्र विवाद बढेको छ । अध्यक्ष तथा संसदीय दलका नेता केपी
शर्मा ओलीले दुई मन्त्रीलाई फिर्ता बोलाएर नयाँ नियुक्तिका लागि सिफारिस
गरेपछि विवाद बाहिर आएको हो ।
संसदीय दलको सिफारिस अनुसार हिजो
(शुक्रबार) प्रधानमन्त्री सुशील कोइरालाले उद्योगमन्त्री कर्ण थापा र
संस्कृतिमन्त्री भीम आचार्यलाई फिर्ता पठाएर महेश बस्नेत र दीपक अमात्यलाई
मन्त्रीमण्डलमा समावेश गरेका थिए ।
बस्नेत र अमात्यलाई मन्त्री
नियुक्तिलाई लिएर एमाले नेता माधवकुमार नेपाल पक्षले असन्तुष्टि जनाएको हो ।उद्योगमन्त्रीबाट हटाइएका कर्ण थापाले
आफुलाई लगाइएको आरोप प्रमाणित गर्न अध्यक्ष केपी शर्मा ओलीलाई चेतावनीसमेत
दिएका छन् ।
अध्यक्ष ओलीले उद्योगमन्त्री थापाले महाधिवेशनका नाममा जथाभावी
पैसा उठाएको र हिसाब पारदर्शी नभएको आरोप लगाएको सार्वजनिक भएको थियो ।
तर, थापाले आफुमाथि लगाइएको आरोप प्रमाणित भए एमालेको साधारण सदस्यता पनि
त्याग्ने चेतावनी दिएका छन् ।
0 Comments