आईजीपी वन्तलाई गृहको चेतावनी

काठमाडौं । नेपाल प्रहरी विरुद्ध सशस्त्र प्रहरीको फेसबुक पेजमार्फत रेडिमेड समाचार सेयर गरेको विषयमा नेपाल प्रहरीका आइजीपी उपेन्द्रकान्त अर्यालले गृहमन्त्रीसमक्ष गुनासो गरेपछि सशस्त्र प्रहरीका आईजीपी कोषराज वन्त हच्किएका छन् । 

कारबाहीमा पर्ने अवस्था सृजना भएपछि वन्तले आफ्ना निकटहरुमार्फत प्रहरीविरुद्ध गरेको समाचारको लिंकलाई फेसबुकबाट हटाउन लगाएका छन् । वन्तलाई अर्को संगठनविरुद्ध लागेको भन्दै गृहमन्त्रालयले स्पष्टिकरण समेत मागेको थियो भने प्रधानमन्त्री कार्यालयबाट चेतावनी दिइएको थियो ।

गृह मन्त्रालय र अर्थ मन्त्रालयका अधिकारीलाई खुशी बनाएर गोप्य रुपमा आफू अनुकुलको निर्णय गर्दै आएको सशस्त्र प्रहरी बल पछिल्लो समय मर्यादा नाघेर पक्राउ पुर्जीको अधिकार हात पार्न लबिङमा लाग्दै आएको छ । जसको शुरुवातमा वन्तले रेडिमेड समाचार पत्रिकामा छपाउनेदेखि फेसबुकमा नेपाल प्रहरीविरुद्ध समेत अभियान गरेका थिए ।

सोही विषयलाई लिएर गृह मन्त्रालयले सशस्त्र प्रहरीका महानिरीक्षक कोषराज वन्तलाई स्पष्टिकरण सोधेका छन् । वन्तले सशस्त्र प्रहरीको फेसबुक पेजबाट केही दैनिक पत्रपत्रिकाहरुमा नेपाल प्रहरीको विरोध र सशस्त्र प्रहरीलाई नियमावली संशोधनमा अनुकुल हुने गरी छापिएको रेडिमेड समाचारलाई सेयर गर्न लगाएपछि अर्यालले प्रधानमन्त्री सुशील कोइरालालाई भेटेर विरोध जनाएका थिए ।

गृहमन्त्री गुहार्दै वन्त, अर्याल देख्ने बित्तिकै फरार - See more at: http://www.aparadhkhabar.com/2015/06/blog-post_5.html#sthash.r06Laby6.dpuf

http://www.aparadhkhabar.com/2015/06/blog-post_5.html

गृहमन्त्री गुहार्दै वन्त, अर्याल देख्ने बित्तिकै फरार - See more at: http://www.aparadhkhabar.com/2015/06/blog-post_5.html#sthash.r06Laby6.dpuf