chakreकाठमाडौंः
गत साता काठमाडौंको कपुरधारामा गुण्डा नाइके कुमार श्रेष्ठ ‘घैटे’ प्रहरीसगको मुठभेडमा मारिएपछि घैंटेका दुस्मन चक्रे  भनिने मिलन गुरुङ भने तनावकाबीच खुसी मनाउन रिसोर्ट पुगेको युनाइटेडपोष्ट साप्ताहिकमा समाचार छ ।

गत भदौ तीन गते विहान घैंटे प्रहरी इन्काउन्टरमा मारिएका थिए । घैंट मारिए लगत्तै आफ्नो फेसबुक पेजमा पुराना गुण्डा नाइके चक्रेले ‘फिलिङ फ्रेस एट रिभर साइड स्प्रिङ रिसोर्ट, कुरिनटार’ स्टेटस लेख्दै फोटो समेत पोष्ट गरेका थिए ।

 त्यसपछि उनी गोरखा पुगेको स्रोत बताउछ । भूकम्पपछि घैंटेका झैं चक्रेले पनि गोरखा र सिन्धुपाल्चोकमा राहत भन्दै चेक मार्फत पैसा बाडेको तस्विर फेसबुकबाट सार्वजनिक गरेका थिए ।

चक्रेमाथि २०६५ सालमा यादब ढंगोल हत्या गरे आरोप लागेपछि फरार भएका थिए । फरार चक्रेलाई तत्कालिन आईजीपी रमेशचन्द ठकुरीको बिशेष टोलीले लागूऔषधसहित पक्राउ गरेको थियो । एक दर्जन भन्दा बढी अपराध गरेको अभियोग लागेका चक्रे अन्य अभियोगबाट भने सफाई पाइसकेका थिए ।

 जेलभित्रबाटै चक्रेले हाउजीङ व्यवसायीले पैसा नदिएको भन्दै डोजरमा आगो लगाइ डोजर भित्रका व्यक्तिलाई समेत मार्न खोजेका थिए । लागूऔषध मुद्दामा मात्र ५ बर्ष कैद सजाय भोगी चक्रे बाहिर निस्केका थिए । जेलमै कैद भुक्तानी गरिसकेका चक्रेमाथि अबैध सम्पत्ति थुपारेको मुद्दा समेत रहेको छ ।

नेपाल प्रहरीको केन्द्रिय अनुसन्धान व्यूरो र सम्पत्ति शुद्धीकरण बिभागले सात करोड अबैध सम्पत्ति थुपारेको अभियोगमा बिशेष अदालतमा मुद्दा दर्ता गरेको थियो । उक्त मुद्दामा अदालतले चक्रेसग एक करोड धरौटी माग गरेको थियो । स्रोतका अनुसार पछिल्लो समय हङकङ जाने तयारीमा रहेका चक्रे र इन्काउन्टरमा मारिएका घैंटेबीच सम्बन्ध सुधार गर्न हङकङमा रहेका उनीहरुका साथी विशाल गुरुङले पहल गरेका थिए ।

Leave a Reply





united

Post a Comment

 
Top