काठमाडौं । हप्ता असुली, फिरौती,
जवर्जस्ती अर्काको सम्पत्ति कब्जा जस्ता गैरकानुनी धन्दामा सक्रियलाई
प्रहरीको भाषामा गुण्डागर्दी भनिन्छ । त्यस्ता धन्दामा सक्रिय व्यक्ति
गुण्डाका नामले चिनिन्छन् । तर, कानुनी रुपमा बैद्य कम्पनी सञ्चालन गरेर
अबैध कारोबार गर्ने र साझेदारकै सम्पत्ति कब्जा गरी राईंदाईं गर्नेलाई के
भन्ने त ? यस्तै प्रश्न खडा भएको छ डिडि ओभरसिज प्रालीका सञ्चालक
देबेन्द्रप्रशाद बजगाईसामु । सिनामंगलमा मेनपावर सञ्चालन गर्दै आएका
बजगाईले आफ्नै साझेदारलाई विभिन्न यातना दिएर ओभरसिजमा एकलौटी राज गर्दै
आएका छन् ।
२०६४ सालबाट शेयर दाखीलासमेत भई सञ्चालक
रहेका कुमार पराजुलीलाई बजगाईले गुण्डागर्दी गरेर निश्कासन मात्र गरेनन्,
शेयरसमेत कब्जा गरे । बजगाईले शेयर कब्जा गरेपछि न्यायको लागि बैदेशिक
रोजगार बिभाग तिनकुने पुगेका पराजुलीलाई बिभागले कुनै न्याय दिलाउन सकेको
छैन ।
कम्पनीमा आन्तरिक लेखा परिक्षण समेत
नभएको र कम्पनी सञ्चालन गर्न पटक–पटक गरेर ठूलो रकम आफूले लगानी गरेको
पराजुलीले दाबी गरेका छन् । २०६७ चैतबाट कम्पनीमा कार्यरत बजगाईले बिना
कारण आफूलाई निष्काशन गरेको आरोप सहित बिभागमा उजुरी दिएका थिए ।
बिभागले छानबिनको नाटक गर्दै केही दिनको
लागि ओभरसिजको कामकारवाही रोक्का राख्ने निर्णय २०७० असोज १ मा गरेको थियो
। तर, मोटो रकमको चलखेलपछि बजगाईलाई कम्पनी सञ्चालन गर्न दिइएको बिभाग
स्रोत बताउँछ । बिभागले सम्पत्ति सुद्धिकरण बिभागलाई बजगाईको सम्पत्तिको
बारेमा छानबिन गर्न पत्राचार गरेपनि सुद्धिकरणले उल्टै निबदेकलाई तारेखमा
राखेर बजगाईमाथि कुनै छानबिन नगरेको स्रोेत बताउँछ ।
बजगाईले मेनपावरको नाममा मानबतस्करीसमेत
गर्दै आएका छन् । पा“च बर्ष अगाडि सामान्य जीवनयापन गर्ने बजगाईको दैनिक
जीवनमा एकाएक आश्र्चयजनक परिवर्तन आएपछि बिभागले नै सम्पत्ति सुद्धिकरणलाइ
छानबिनको लागि पत्राचार गरेको थियो । बैदेशिक रोजगार बिभागले २२ असोज २०७०
मा सम्पत्ति सुद्धिकरण बभागलाइ पत्राचार गरेको हो । तर, अहिलेसम्म
बजगाईमाथि कुनै छानविन भएको छैन । यूनाइटेड पोस्टबाट
0 Comments