काठमाडौं । नेपाल प्रहरीको इतिहासमै
महानगरीय अपराध महाशाखाले म्याच फिक्सिङ जस्तो संगठित अपराधको पहिलो पटक
पर्दाफास गरेको छ । नेपाली फुटबलले सधैं किन अन्तराष्ट्रिय खेलहरु हार्छ
भन्ने कुरा महाशाखाका प्रमुख एसएसपी सर्वेन्द्र खनालले बाहिर ल्याएका छन्।
नेपाल प्रहरीको यो ऐतिहासिक कामको सर्वत्र प्रशंसा भइरहेको छ । तर म्याच
फिक्सिङमा पक्राउ परेका खेलाडीहरुलाई छुटाउनका देशका केही ठूला व्यक्तिहरु
समेत लागेका छन् । सरकारी वकिल र अदालतमा दबाब दिएर उक्त मुद्दा नै दर्ता
नगर्नेसम्मको खेल सुरु भइसकेको छ ।
बरिष्ठ अधिवक्ताद्धय शम्भु थापा र प्रेम
बहादुर खड्का अभियुक्तविरुद्ध मुद्दै दर्ता नगर्न चलखेलमा लागेका छन्
। उनीहरु अभियुक्तका वकिलका रुपमा अदालतमा गएर उनीहरुको पक्षमा बोल्नु त
पेशा नै भयो तर उनीहरु मुद्दा दर्ता नगर्न राजनीतिक लबिङमा समेत लागेका छन्
। त्यस्तै कांग्रेस तथा एमालेका केही नेताहरु समेत अभियुक्त खेलाडीको
पक्षमा लागेका छन् । मुद्दा दर्ता नगराउन बरिष्ठ अधिवक्ता थापाले
महान्यायधिवक्ता हरिकृष्ण कार्कीलाई दबाब दिएको स्रोत बताउँछ ।
थापा र कार्की दुवै एमाले निकटमा नभई
साथी पनि भएकाले सरकारी वकिल कार्यालयबाट नै मुद्दा दर्ता नगराउने र मुद्दा
दर्ता गरेपछि राज्यविरुद्धको अपराधको दफा ४ अनुसार चलाउने र सामान्य
धरौटीमा नै उनीहरुलाई छुटाउने खेल भइरहेको यूनाइटेड पोष्ट साप्ताहिकले
छापेको छ ।त्यस्तै आफुसमेत तानिन सक्ने भएकाले एन्फा अध्यक्ष गणेश थापा
पनि अनुसन्धान प्रभावित बनाउन सक्रिय छन् । कतिपय खेलमा फिक्सिङकै लागि तय
भएको समेत खुलेको छ ।
त्यसरी अन्तर्राष्ट्रिय प्रतियोगिताहरु राख्दा एन्फाको प्रत्यक्ष संलग्नता हुन्छ । त्यसकारण यो प्रकरणमा थापा पनि मुछिने भएकाले उनी यसविरुद्ध लागेका हुन् ।म्याच फिक्सिङको आरोपमा पक्राउ परेका चार खेलाडी र एक प्रशिक्षकलाई प्रहरीले राज्यविरुद्धको अपराध मुद्दामा मुद्दा दायरको अन्तिम तयारी गरेको छ । पक्राउ परेको २४ दिनभित्र मुद्दा दायर गर्नुपर्छ ।उनीहरु पक्राउ परेको २१ दिन भइसकेको छ । राष्ट्रिय टोलीका कप्ता सागर थापासहित राष्ट्रिय टोलीका गोलरक्षक रितेश थापा, राष्टिय्र खेलाडी सन्दीप राई, पूर्व राष्ट्रिय खेलाडी विकाससिंह क्षेत्री र प्रशिक्षक अन्जन केसीलाई प्रहरीले पक्राउ गरी अनुसन्धान प्रक्रिया अघि बढाएको हो । प्रहरीसँग बलियो प्रमाण
छोटो अवधिमा भएपनि प्रहरी अभियुक्तहरुविरुद्ध बलियो प्रमाण जम्मा गरिसकेको छ । म्याच फिक्सिङ प्रकरणमा प्रहरीको बलियो प्रमाण भनेको खेलाडीको म्याच फिक्सरहरुबाट लिएको पैसा नै हो ।खेलाडीको नाममा बिदेशबाट पटक पटक पैसा आएको छ । वेष्टन यूनियन मनि ट्रान्सफरबाट अञ्जन केसी, रितेश थापा तथा हाल फरार रहेका तत्कालिन फिजियो डेजिब थापाको नाममा पैसा आएको छ ।सिंगापु्रका चर्चित म्याच फिक्सर विल्सनराज पेरुमलले आफ्नो पुस्तक ‘किलोङ किङस्’ मा कसरी नेपाली खेलाडी किन्न सफल भए भन्ने कुरा उल्लेख गरेका छन् । उनकै समूहबाट खेलाडीले पैसा लिएका छन् ।
बयानको क्रममा पैसा लिएको उनीहरुले
स्वीकार गरेका छन्, तर म्याच फिक्सिङ गरेको भने अस्वीकार गरेका छन् । तर,
पक्राउ परेलगत्तैको बयानमा उनीहरुले म्याच फिक्सिङकै पैसा लिएको स्वीकारेका
थिए ।जसको भिडियो रेकर्ड प्रहरीसँग छ । हालसम्मको अनुसन्धानमा ६ वटा
अन्तराष्ट्रिय खेलमा उनीहरुले म्याच फिक्सिङ गरेको प्रहरी दाबी छ ।
जसमा खेलाडीले एउटा खेलबाट ५ हजार
अमेरिकन डलरसम्म लिएका थिए ।सन् २००८ देखि गत वर्ष सम्मका खेलमा म्याच
फिक्सिङ भएको अपराध महाशाखाले जनाएको छ ।सन् २००८ मा मोर्डेका कपमा
अफगानिस्तानसँग म्याच फिक्सरको निर्देशनअनुसार २–२ को बराबरी खेलेको प्रहरी
दाबी छ ।त्यस्तै २००९ को साग च्यामपियनसीप, सन् २०११ म मलेसियासँगको
मैत्रीपूर्ण खेल, फिलिपिन्ससँगको मैत्रीपूर्ण खेल, सन् २०१२ मा भारतसँग
भएको नेहरु कप र सन् २०१४ मा कोरियामा भएको साफ गेमको फुटबलमा म्याच
फिक्सिङ गरेको प्रहरीले जनाएको छ ।जसमा अन्य खेलाडी र एन्फा पदाधिकारीहरु
समेत संलग्न भएपनि अरु भने पक्राउ परेका छैनन् । सबै खेलमा थ्रिस्टार
क्लबका पूर्वप्रशिक्षक रहेका अन्जन केसीले नै पैसाको डिल गर्दै आएको प्रहरी
अधिकारीहरु बताउँछन् ।
0 Comments