बारामा गोली प्रहार, उद्योगपति केडियोको अज्ञात समुहले अपहरण, गोली प्रहारबाट चालक गम्भीर घाइते

पर्सा, १३ जेठ । वीरगन्जका उद्योगपति सुरेश केडियालाई साँझ बाराको बरियारपुरबाट अज्ञात समूहले अपहरण गरेको छ ।  कामविशेषले बरियारपुर गएका उद्योगपति केडियालाई बाराकै पशाहपुल नजिकैबाट अपहरण गरिएको हो ।

बा११च ७२४० नंको बाहनमा सवार भई वीरगन्जतर्फ आउने क्रममा हतियारधारीले चालक पर्सा, बिन्ध्यवासिनी निवासी श्यामउनेश साहलाई गोली हानी उद्योगपति केडियालाई अपहरण गरी लगेको अञ्चल प्रहरी कार्यालय नारायणी वीरगन्जका वरिष्ठ प्रहरी उपरीक्षक नारायणसिंह खड्काले जानकारी दिए । 

उनले घाइते चालक साहको वीरगन्जको नारायणी उपक्षेत्रीय अस्पतालमा उपचार भइरहेको बताए । उद्योगपति केडियाको खोजी भइरहेको छ । घाइते साहको अवस्था गम्भीर रहेको उपचारमा संलग्न चिकित्सकले बताएका छन् ।