गच्छदारले सरकार छाड्ने

काठमाडौं । मधेसी जनअधिकार फोरम (लोकतान्त्रिक) सरकारबाट बाहिरिने भएको छ। एमाले अध्यक्ष केपी शर्मा ओली नेतृत्वको सरकार सबै मोर्चामा असफल भएको भन्दै फोरम लोकतान्त्रिकले मुलुकको समस्या समाधानका लागि विकल्प खोज्न सुरू गरेको हो ।

‘हामी जुन उद्देश्यले सरकारमा सहभागी भएका थियौं, त्यसअनुसार काम भएन,’ फोरम लोकतान्त्रिकका उपाध्यक्ष जितेन्द्र देवले भने, ‘ सरकारमा बस्नुको औंचित्य छैन।’

ओली सरकारमा सहभागी हुनुअघि भएको समझदारी कार्यान्वयनमा प्रधानमन्त्रीले चासो नदेखाएको फोरम लोकतान्त्रिकको गुनासो छ।