काठमाडौं । डलर साट्ने बहानामा १८ लाख लुटेर फरार भएका लुटेरा ग्याङका नाईकेलाई आज बेलुका प्रहरीले गोली प्रहार गरी नियन्णमा लिएको छ ।
महानगरीय अपराध महाशाखाको टोलीले सिन्धुपाल्चोक बाह्रबिसे घर भएका खुडे नामले कुख्यात अम्बर तामाङको खुट्टामा २ राउन्ड गोली प्रहार गरी नियन्णमा लिएको हो ।
बौंद्धको नयाँबस्ति नजिक जम्बुडाँडामा महाशाखाको टोलीले खुडेलाई नियन्णमा लिन खोज्दा प्रहरीमाथी नै आक्रमण गर्ने प्रयास गरेपछि आत्मरक्षाको लागी प्रहरीले गोली चलाउनु परेको जनाएको छ । खँुडेको साथबाट एक थान पेस्तोल र डलरका सात बन्डल बरामत भएको महाशाखाले जनाएको छ ।
खुँडेलाई उपचारको लागि ट्रमा सेन्टरमा राखिएको छ । भेटिएको सुन र डलर सस्तोमा दिने बाहानामा खँुडेको समुहले सर्बसाधारण व्यपारीलाई लुटपाट गर्दै आएका थिए । यहि समुहले गत जेठ २५ गते डलर साँट्न भन्दै बोलाएर भक्तपुरमा १८ लाख लुटपाट गरेका थिए ।
चाँगुनारायण नगरपालिका इन्द्रेणीपुल–३ स्थित ताप्लेजुङ फुङलिङ नगरपालिका–१ घर भई हाल स्वयम्भु बस्दै आएका विरेन तामाङलाई बोलाई अस्मिलले १८ लाख लुटपाट गरेको प्रहरीले बताएको छ ।
अस्मिनले डलर साटेको बापत २ लाख रुपैयाँ फाइदा हुने बताएपछि विरेन तामाङले १८ लाख रुपैयाँ लिएर पैसा साँट्न गएका थिए ।
0 Comments