Subscribe Us

प्रेस युनियन पश्चिम नवलपरासीमा सुवेदी


परासी, २४ मङ्सिर । नेपाल प्रेस युनियन पश्चिम नवलपरासी शाखाको अध्यक्षमा राससकर्मी पुरुषोत्तम सुवेदी चयन हुनुभएको छ ।

युनियनको सदरमुकाम परासीमा सम्पन्न दशौँ अधिवेशनले सुवेदीलाई अध्यक्ष चयन गरेको हो । समितिको उपाध्यक्ष खुल्लातर्फ सञ्जीव कोइराला, उपाध्यक्ष समावेशीतर्फ उमेश विक, सचिवमा प्रकाश न्यौपाने, सहसचिवमा मनिषा पाण्डे र कोषाध्यक्षमा जीवन न्यौपाने चयन हुनुभएको छ । सदस्यहरुमा क्रमशः नवराज पौडेल, अनिल यादव, मनिष अधिकारी, मुक्तिनाथ तिवारी, नन्दलाल कुँवर, श्यामबदन हरिजन, युवराज चापागाईं, सञ्जय कँडेल, जितेन्द्र गुप्ता र सहभान मिया चयन हुनुभएको छ ।

अधिवेशनले प्रदेश पार्सदमा अनिल यादव, शिव रेग्मी, इन्दु रेग्मी, मोहम्मद इजहार शेख, अजय लोनिया, ओमप्रकाश हरिजन, विष्णु श्रेष्ठ, शुशिला पाण्डे, इन्दिरा विक, उर्मिला यादव, रविन शर्मा चापागार्इं, नन्दु यादव, तारा चन्द्र वर्मा, लक्ष्मी हरिजन, डा श्यामप्रसाद न्यौपाने, रविन्द्र यादव, श्याम बुचामगर, धनेश्वर श्रेष्ठ र नारायण न्यौपानेलाई चयन गरेको छ । यस्तै केन्द्रीय पार्सदमा टिकाराम गैरे, हरि शर्मा, आरपी उपाध्याय, वृजराज कुशवाहा, डिगबहादुर क्षेत्री, जान्हवी जोशी, राजकुमार शर्मा, नारायण सुवेदी, सद्दाम हुसेन अन्सारी, रमेश खनाल, कल्पना भट्टराई र सीता शर्मा चयन हुनुभएको छ ।

नेपाली काङ्ग्रेसका केन्द्रीय सदस्य एवं सांसद देवेन्द्रराज कँडेल, प्रेस युनियनका अध्यक्ष बद्री सिग्देल, प्रदेश सांसद बैजनाथ जयसवाल, रामग्राम नगरपालिकाका प्रमुख नरेन्द्र गुप्ता, प्रतापपुर गाउँपालिका प्रमख राजकुमार शर्मा, काङ्ग्रेस जिल्ला सभापति अर्जुन पोखरेल, पत्रकार महासङ्घ नवलपरासीका अध्यक्ष होमराज रानाभाट, प्रेस युनियन चितवनका अध्यक्ष अनिल ढकाल, नवलपुर अध्यक्ष विरेन्द्र पराजुलीलगायतले शुभकामना व्यक्त गर्नुभएको थियो । 

Post a Comment

0 Comments