सुर्खेत । जिल्ला
प्रहरी कार्यालय सुर्खेतले बहुमूल्य पत्थरसहित स्कारपियो गाडीबाट ५ जनालाई
पक्राउ गरेको छ । वीरेन्द्रनगर नगरपालिका–१ बाङ्गेसिमल चेक प्वाइन्ट नजिकैबाट उनीहरूलाई शुक्रबार
पक्राउ गरिएको जिल्ला प्रहरी कार्यालयका प्रवक्ता एवं प्रहरी नायब उपरीक्षक
दीपेन्द्रबहादुर क्षेत्रीले बताए ।
पक्राउ पर्नेमा वीरेन्द्रनगर–४ सुर्खेतका ४० वर्षीय भीमबहादुर सुनार,
वडा नं ५ का ३० वर्षीय नवीन कँडेल,
वडा नं ८ का २८ वर्षीय सुरेन्द्र
शाही तथा बराहताल गाउँपालिका–८
सुर्खेतका २६ वर्षीय भक्तबहादुर पाण्डे र ३२ वर्षीय तेजेन्द्र बस्नेत रहेको जिल्ला
प्रहरी कार्यालय सुर्खेतले जनाएको छ ।
प्रहरी सहायक निरीक्षक विजय पुनको
नेतृत्वको गएको टोलीले कालीकोटबाट सुर्खेततर्फ आउँदै गरेको बा १९ च ३५७२ नंको
स्कारपियो गाडी जाँच गर्ने क्रममा ११ दशमलव ५०० किलोग्राम बहुमूल्य ढुङ्गासहित
उनीहरुलाई पक्राउ गरिएको नायब उपरीक्षक दीपेन्द्रबहादुर क्षेत्रीले जानकारी दिए । पक्राउ परेका पाँचै जनामाथि अनुसन्धान भइरहेको प्रहरीले
जनाएको छ ।
0 Comments