काभ्रे ।
काभ्रे जिल्लाको पाँचखालमा इँटा उद्योगको पर्खाल भत्कँदा २ बालबालिकाको मृत्यु
भएको छ । पाँचखाल नगरपालिका–७
श्रीरामपाटीस्थित वीर हनुमान इँटा उद्योगको पर्खाल भत्कँदा पुरिएका ४ मध्ये दुइ
बालबालिकाको मृत्यु भएको हो भने अन्य २ घाइते भएका छन् ।
मृत्यु हुनेमा रोल्पा जिल्ला
गङ्गादेवी गाउँपालिका–१ का
ज्ञानबहादुर परियारकी तीन वर्षीया छोरी जेनिसा र रोल्पा जिल्ला मारीगाउँ
गाउँपालिका–३ का नवीन विकका ११ महीनाका छोरा
निर्माणको मृत्यु भएको प्रहरी चौकी पाँचखालका प्रहरी सहायक निरीक्षक हितबहादुर
कटुवालले जानकारी दिए । पर्खाल भत्कँदा घाइते दुवै बालबालिकाको उपचारार्थ धुलिखेल
अस्पताल लैजाँदै गर्दा बाटोमै मृत्यु भएको प्रहरीले जनाएको छ ।
त्यसैगरी रोल्पा मारीगाउँ
गाउँपालिका–३ का बाबुराम घर्तीको तीन वर्षीया
छोरी झरना र भारतको दरभङ्गा जिल्ला प्रितिपरककी ३५ वर्षीया सीता पासवान घाइते भएका
छन् । झरनाको टाउकामा पासवानको छातीमा चोट लागी गम्भीर अवस्थामा धुलिखेल अस्पतालमा
उपचार भइरहेको पनि प्रहरीले जनाएको छ ।
0 Comments