काठमाडौं । महाराजगञ्जस्थित
महानगरीय प्रहरी वृत्तले टोखास्थित निजी कोठामा जुवा खेलीरहेका १५ जनालाइ पक्राउ
गरेको छ । महानगरीय प्रहरी वृत्त गोंगबुका प्रमुख मोहनविक्रम केसीको नेतृत्वको
टोलीले टोखा नगरपालिका–१० गणेशस्थानस्थित लोकबहादुर
गुरुङको कोठामा छ थान तास र नगद पाँच लाख ३५ हजार ८४० सहित बुधबार राति ९ बजे उनीहरूलाइ
पक्राउ गरेको हो ।
पक्राउ
पर्नेमा रोशन गुरुङ, रमेश परियार, मिलन सिलवाल, पुष्प गुरुङ, बुद्धि तामाङ, श्याम श्रेष्ठ, लोकबहादुर गुरुङ, खमबहादुर गर्भुजा, रामदेव रिमाल, कुमार ठकुरी, मुकुन्द भण्डारी, नारायण बुढाथोकी, होम गुरुङ, जमिरदिन मियाँ र गणेश घले छन् ।
वृत्तका प्रमुख एवं प्रहरी नायब उपरीक्षक फणिन्द्र प्रसाईँले विशेष सूचनाका आधारमा जुवा खेलिरहेको स्थानमा प्रहरीले छापा मार्दा ताससहित १५ जनालाई नियन्त्रणमा लिइएको जानकारी दिए । पक्राउ परेकासँग बयान लिने काम भइरहेको जनाइएको छ ।
0 Comments