काठमाडौं । कर्मचारी समायोजनका
लागि २६ हजार १३० जना कर्मचारी
अनलाइन प्रणालीमा नाम दर्ता गराएका छन् । यही पुस
११ गतेदेखि संघ, प्रदेश र स्थानीय तहमा कर्मचारी
समायोजन गर्न सरकारले सञ्चालन गरेको अनलाइन फारममा २६ हजार १ सय ३० जनाले नाम
दर्ता गराएको संघीय मामिला तथा सामान्य प्रशासन मन्त्रालयका उपसचिव अनिता निरौलाले
जानकारी दिइन् । उनका अनुसार तीमध्ये १९ हजार ८ सय ६८ जना समायोजन रोज्नका लागि तयार र छ हजार २ सय ६२ जनाले समायोजनका लागि फारमसमेत भरिसकेका छन् । यही पुस मसान्तभित्र सङ्घ, प्रदेश र स्थानीय तहमा कर्मचारी समायोजन अध्यादेश–२०७५ ल्याउँदै समायोजनको कार्य शुरु गरेको छ ।
सरकारले पुस ११ गते २१ दिनभित्र समायोजनमा जानका लागि कर्मचारीलाई अनलाइन आवेदन माग गरेको छ । समायोजनका लागि फारम भर्नका लागि सरकारले सबै मन्त्रालय, निकाय, आयोग, समिति र स्थानीय तहमा ‘सहयोगी कक्ष’ सञ्चालन गरेको छ । आवेदन दिएकामध्ये आध्यदेशअनुसार योग्य भएका कर्मचारीलाई छनोटमार्फत समायोजन गरिने उपसचिव निरौलाले बताइन् ।
0 Comments