तनहुँ । तनहुँको आँबुखैरेनीबाट प्रहरीले अवैध
लागु औषधसहित १ जना लागु औषध कारोवारीलाई बुधबार पक्राउ गरेको छ । पक्राउ पर्नेमा
गोरखा शहिद लखन गाउँपालिका १ घर भइ हाल तनहुँको आँबुखैरेनी गाउँपालिका ३ शान्तिटोल
बस्ने २६ वर्षिया रमेश घले रहेको इलाका प्रहरी कार्यालय आँबुखैरेनीका प्रमुख
प्रहरी निरिक्षक महेशराज पाठकले जानकारी दिए ।
पाठकका अनुसार शंकास्पद अवस्थामा आँबुखैरेनी
चोकमा हिडिरहेको अवस्थामा घलेलाई चेकजाँच गरी सोधपुछ गर्ने क्रममा निजले लागुऔषध
कारोवार गर्ने गरेको स्वीकार गरेको हो । पक्राउ परेका घलेको कोठामा खानतलासी गर्दा
प्रहरीले डाईजेल्याव ९६ एम्पल, फेनागन
८६ एम्पल र बुफिन ९५ थान गरी २७७ एम्पल अवैध लागुऔषध बरामद गरेको छ । प्रहरीले
घलेको साथबाट २४ हजार २ सय ३० रुपैया नगद पैसा समेत बरामद गरेको छ ।
0 Comments