काठमाडाैं । नेपाल विद्यार्थी संघका सभापति नैनसिंह महरलाई
मंगलबार दिउँसो राजधानीको बानेश्वरबाट प्रहरीले पक्राउ गरेको छ । उनी सहित
नेविसंघका नेताहरूलाई सरकारविरूद्ध प्रदर्शनमा उत्रिएको भन्दै प्रहरीले पक्राउ
गरेको हो ।
नेविसंघ
कास्की पोखराका कार्यकर्तालाई प्रहरी, प्रशासनले झूटा मुद्दा लगाएको भन्दै
प्रदर्शनमा उत्रिएका महरसहित उपसभापति नवीन राईलगायत छ जनालाई प्रहरीले पक्राउ
गरेको हो । उनीहरूलाई अहिले महेन्द्र पुलिस क्लबमा राखिएको प्रहरीले जनाएको छ।
गत
शनिबार नेविसंघले पोखरामा सरकारी गाडीमाथि आगजनी गरेका थिए। सरकारी गाडी जलाउन
संलग्न रहेको भन्दै नेविसंघका पाँच जना पक्राउ परेका छन् । उनीहरूको रिहाइको माग
गर्दै प्रदर्शन गर्दा महर पक्राउ परेका हुन् ।
0 Comments