चौतारा । जिल्ला प्रहरी कार्यालय
सिन्धुपाल्चोकको विशेष टोलीले सस्तो मूल्यमा सुन दिने भन्दै सर्वसाधारणबाट दश लाख
रूपैयाँ लुटपाट गरी फरार रहेका सिन्धुपाल्चोकका तीन जनालाई बुधबार पक्राउ गरेको छ
। पक्राउ पर्नेमा बाह्रबिसे
नगरपालिका–५ गाती काभ्रेटोलका २५ वर्षीया
प्रमबहादुर तामाङ, २४ वर्षीया साजन तामाङ र २१
वर्षीया आक्रोश भन्ने सिङ्गबहादुर तामाङ छन् ।
उनीहरूलाई जिप्रकाको विशेष टोलीले काठमाडौँको स्वयम्भूबाट
पक्राउ गरेको सूचना अधिकृत प्रहरी निरीक्षक जगदीश रेग्मीले जानकारी दिए । सुनसरी
जिल्ला बराह नगरपालिका–१ घर भई
काठमाडौँ घट्टेकुलो निवासी पीडित नीरज घिमिरेले दिएको निवेदनको आधारमा उनीहरूलाई
पक्राउ गरिएको प्रहरीले जनाएको छ ।
वलेफी गाउँपालिका–५ अरनिको राजमार्गको ७४ किलो नजिक रहेको गोरेटो बाटोमा गत पुस १७ गते पीडित घिमिरेबाट रु १० लाख लुटपाट गरी फरार रहेका थिए । पक्राउ परेका आरोपीको बारेमा थप अनुसन्धान भइरहेको प्रहरीले जानकारी दिएको छ ।
वलेफी गाउँपालिका–५ अरनिको राजमार्गको ७४ किलो नजिक रहेको गोरेटो बाटोमा गत पुस १७ गते पीडित घिमिरेबाट रु १० लाख लुटपाट गरी फरार रहेका थिए । पक्राउ परेका आरोपीको बारेमा थप अनुसन्धान भइरहेको प्रहरीले जानकारी दिएको छ ।
0 Comments