सहदेव थापा । |
काठमाडौं । गृह मन्त्रालयले महानगरीय प्रहरी परिसर काठमाडौंमा एसएसपी उत्तमराज
सुबेदी र अपराध महाशाखामा सहकुल थापालाई सरुवा गरेको छ ।
काठमाडौं परिसरका एसएसपी बसन्त लामालाई लागू औषध नियन्त्रण व्युरोमा सरुवा
गरिएको छ भने महाशाखाका सिंहलाई प्रहरी प्रधान कार्यालय अन्तर्गतको तालिम सेवा
निर्देशनालयमा सरुवा गरिएको छ । परिसरमा सरुवा भएका सुबेदी प्रहरीका प्रबक्ता थिए
।
त्यस्तै अपराध महाशाखाका प्रमूखमा सरुवा भएका थापा एक नम्बर प्रदेशको तालिम
केन्द्रमा कार्यरत थिए । थापालाई अपराध महाशाखामा लामो समय काम गरेको अनुभव छ ।
आईजीपी सर्वेन्द्र खनाल महाशाखा प्रमूख रहँदा एसएसपी थापा त्यहाँ एसपीको भूमिकामा
काम गरेका थिए ।
उत्तम सुवेदी । |
उता नेपाल प्रहरीमा व्यवसायिक प्रहरी अधिकृतका रुपमा चिनिएका एसएसपी सुबेदीले
यस अघि जनकपुर र सर्लाही जस्तो सुरक्षाको दुष्टिकोणबाट संवेदनशील मानिएको जिल्लाको
कमाण्ड सफलतासाथ गरिसकेका छन् । जनकपुरमा संजय टक्लाको गुण्डागर्दीलाई एसएसपी
सुबेदीले नियन्त्रण गर्दै एक दर्जनको ज्यान जाने गरी भएको बम बिस्फोट अभियोगमा
भारतको दिल्लीबाट पक्राउ गरी ल्याएका थिए ।
उनले डिएसपी हुदै एक महिना कायम मुकाय भएर काठमाडौंको कमाण्ड समेत गरेका थिए ।
उनकै पालमा कोटेश्वरबाट १६ किलो सुन बरामत भएको थियो । सुबेदीलाई व्यसायीक प्रहरी
अधिकृतका रुपमा हेरिन्छ । चार एसएसपीको सरुवासँगै केही एसपीको सरुवा तयारी पनि
प्रधान कार्यालयले थालेको छ । स्रोतका अनुसार पर्सा, ईलाम, रुपन्देही, चितवन, कास्की जान एक दर्जन एसपी नेताको ढोका पुग्न
थालेका छन् । तर प्रधान कार्यालयले भने व्यवसायीक प्रहरी अधिकृतलाई राम्रा र
चुनौतीका रुपमा देखिएका जिल्लामा कमाण्ड दिन खोजेको छ ।
स्रोतका अनुसार पर्सामा सोमेन्द्रसिंह राठोर अथवा चन्द्रकुबेर खापुङ जाने
सम्भावना बढेको छ । एकले पर्सामा बाजीमारे अर्कालाई सुनसरी दिने सम्भावना बढेको छ
। राठोर अपराध महाशाखामा कार्यरत छन् भने खापुङ कर्मचारी प्रशासनमा । त्यस्तै
पोखरा जान अख्तियार दुरुपयोग अनुसन्धान आयोगमा कार्यरत बिश्व अधिकारी र गत
महिनामात्र बढुवा भएका नबराज अधिकारी लागेका छन् ।
उता आईजीपी सचिवालयमा कार्यरत
एसपी दानबहादुर कार्की रुपन्देहीको लागि तयारी अवस्थामा छन् । ईलामा एसपी जर्नादन
जिसीको सम्भावना बढेको छ ।
यसैगरी दानबहादुर मल्ल भने प्रचण्डको चुनावी जिल्ला
चितवन जान लागेका छन् । मल्ल प्रचण्डकै सिफारिसमा एसपीमा बढुवा भएका थिए ।
0 Comments