मकवानपुर । जिल्ला प्रहरी कार्यालय
मकवानपुर
ले १२० किलोग्राम लागुऔषध गाँजासहित दुईलाई पक्राउ गरेको छ । जिल्ला
प्रहरी कार्यालयले लागुऔषध गाँजासहित ना३ख ३७१५ नंको ट्रक, ट्रकचालक तथा धनी र
सवार एकलाई सार्वजनिक गरेको हो ।
प्रहरीले ट्रक धनी तथा चालक
मकवानपुरको राँक्सीराग गाउँपालिकाका २८ वर्षीय सुकुलाल थिङ र ट्रकमा सवार
राँक्सीराग गाउँपालिकाकै नमराज दर्जीलाई पक्राउ गरी अनुसन्धान तथा कारवाही अगाडि
बढाएको जनाएको छ ।
प्रदेश नं ३ प्रहरी कार्यालयमा
प्राप्त विशेष सूचनाका आधारमा जाँच गर्दा लागुऔषध गाँजा भेटिएको प्रहरीले जनाएको छ
। कसुर सावित भएमा लागुऔषध नियन्त्रण ऐन २०३३ बमोजिम दुई वर्षदेखि १० वर्षसम्म कैद
र रु १५ हजारदेखि रु एक लाखसम्म जरिवानाका साथै सवारीसाधनसमेत जफत हुने प्रावधान छ
।
0 Comments