काठमाडौं
। महानगरीय अपराध महाशाखाले राजधानीको पुरानो बानेश्वरबाट अष्ट्रेलिया लैजाने भन्दै ठगी गर्ने
एक महिलालाई पक्राउ गरेको छ । उनले आफू अष्ट्रेलियाको पिआर होल्डर भएको भन्दै
डिपेन्डेन्ट भिषामा अष्ट्रेलिया लैजाने भन्दै ठगी गर्दै आएको प्रहरीले जनाएको छ ।
महानगरीय
अपराध महाशाखाका प्रमुख एसएसपी सहकुल थापाका अनुसार सुनसरी स्थायी घर भएकी नयाँबानेश्वर
बस्ने रेजिना अधिकारी पक्राउ परेकी हुन् । उनले आफू पिआर होल्डर भएको र आफूसँग
कोर्ट म्यारिज गरेमा अष्ट्रेलिया जान सकिने बताउँदै ठगी गर्ने गरेको बताइएको छ । गोकर्णेश्वर
नगरपालिका–४
माकलवारीका अमित श्रेष्ठसँग कोर्ट म्यारिज समेत गरी चार लाख ५० हजार रुपैयाँ ठगी
गरेको अभियोगमा अधिकारीलाई पक्राउ गरिएको एसएसपी थापाले बताए ।
अधिकारीले
कोर्टम्यारिज गरेपछि पैसा लिएकी थिइन्, त्यसपछि पैसा लिएर सम्पर्कविहिन भएपछि
श्रेष्ठको उजुरीको आधारमा महाशाखाबाट खटिएको प्रहरी टोलीले मध्यबानेश्वरमा
लुकीछिपी बसिरहेको अवस्थामा उनलाई पक्राउ गरेको हो ।
अधिकारीले
चाँगुनारायण–३
भक्तपुर बस्ने सागर धमलासमेतलाई सोही प्रयोजन र शैली प्रयोग गरी १३ लाख ४७ हजार
ठगी गरेको प्रहरीको प्रारम्भिक अनुसन्धानबाट खुल्न आएको छ । तर, अधिकारीलाई एशियन ईन्टरनेशनल
कन्सल्टेन्सी बाँसबरीका एकेडेमिक डाईरेक्टर गणेश भन्ने अरविन स्याङ्वोले प्रयोग
गरिरहेको खुल्न आएको पनि प्रहरीले जनाएको छ । कमलामाई–२ सिन्धुलीका स्याङ्वोलाई पनि राजधानीबाटै
पक्राउ गरिएको महाशाखाले जनाएको छ ।
0 Comments