काठमाडौं । केन्द्रीय अनुसन्धान ब्यूरो महाराजगंजले हालसम्म १ सय ८ स्थानहरुमा भएको कारवाहीमा नेपाली १ सय ३० र विदेशी ३७ गरी १ सय ६७ जनालाई पक्राउ गरेकाे जनाएकाे छ ।
केन्द्रीय अनुसन्धान ब्यूरो महाराजगंज काठमाडौंबाट खटिएको प्रहरीले
अवैध रुपमा भिओआइपी संचालन गर्ने रुपन्देही सिद्धार्थनगर नगरपालिका-३ काटा गाउँ
भन्ने स्थानमा डेरा गरी बस्ने भारत महराजगन्जका २६ वर्षीय खुर्सेद अन्सारीलाई पक्राउ
गरेपछि सार्वजनिक गर्दै उक्त कुरा बताएकाे हाे ।
पक्राउ
अन्सारीको डेरा कोठाबाट प्रहरीले ल्यापटप १ थान, जेएससि लेखिएको एरियल ३२ थान, राउटर १ थान, एयर टेल फोरजी लेखिएको डिभाईस २
थान, टिपी
लिंक लेखिएको १ थान, युपिएस १
थान, चार्जर २
थान, १३ वटा
सिम फिट भएको १६ सिम पोट १ थान, सिम नभएको १६ सिम पोट १ थान, केबल तार २ थान, सिम १३ थान लाभा कम्पनीको
मोबाइल १ थान र सोमा फिट भएको ९८१७४२३४०४ र नम्बर नखुलेको भारतीय सिम १ थान समेत
बरामद गरेको छ ।
पक्राउ परेका अन्सारी उपर दूरसंचार ऐन, २०५३ अन्तर्गत जिल्ला अदालत
रुपन्देहीबाट म्याद लिई अनुसन्धान कार्य भइरहेको केन्द्रीय अनुसन्धान ब्यूरोले
जनाएको छ । अवैध भिओआइपीबिरुद्द
गरिएको कारवाहीमा हालसम्म विभिन्न दुर संचार कम्पनीहरुका २ हजार ३ सय ७५ थान सिम
कार्डहरु र भिओआइपीमा प्रयोग हुने आधुनिक उपकरणहरु समेत बरामद गरिएको सो ब्यूरोले
जनाएको छ ।
0 Comments