काठमाडौं ।
बेलायतमा क्रिकेटको विश्वकप चलिरहँदा नेपालमा भने सट्टेबाजीको धन्दा मौलाएको छ ।
इन्डियन प्रिमियर लिग (आईपीएल) सकिएसँगै बेलायतमा सुरु भएको क्रिकेट वल्र्ड कपको
कारण काठमाडौंमा सट्टेबाजी अर्थात बुकीको धन्दा मौलाएको हो । काठमाडौंमा
सट्टेबाजीको धन्दा चलाउनेमा क्यासिनो देखि खेलाडी र केही गुण्डाको समूहसमेत सतहमा
देखिएका छन् ।
पछिल्लो समय
क्यासिनो ¥याडले अबैध रुपमा
क्यासिनोबाटै सट्टेबाजीको धन्दा चलाउँदै आएको छ । ¥याडले सट्टेबाजीमात्र नभई अनलाईन जुवा समेत खेलाउँदै आएको
स्रोतको दाबी छ । क्यासिनोका केही कर्मचारीको मिलोमतोमा सट्टेबाजी र अनलाईन जुवाको
धन्दा चल्दै आएको हो । उता पटक–पटक सट्टेबाजीको
आरोपमा पक्राउ परेका व्यक्ति नै पुनः यो धन्दामा सक्रिय भएका भन्दै अपराध महाशाखले
अनुसन्धान अगाडी बढाएको छ ।
नेपालमा
सट्टेबाजीको बिऊ रोप्ने मुख्य नाईके नागराज भन्ने अमित अग्रवाल भएको प्रहरीको
अनुसन्धानबाट पुष्टि भईसकेको छ । नागराजलाई गत बर्ष महानगरीय अपराध महाशाखाले
पक्राउ गरेको थियो । अदालतले मागेको ५० लाख धरौंटी राखेर नागराज अहिले बाहिर छन् ।
उनको मुद्दा जिल्ला अदालत काठमाडौं र बिषेश अदालतमा बिचाराधिन छ ।
स्रोतका अनुसार
नागराज कै चेलाहरूले सट्टेबाजीको धन्दालाई तिव्र रुपमा अगाडी बढाउँदै आएका छन् ।
यस्ता धन्दामा सक्रिय दुई दर्जन व्यक्तिलाई प्रहरीले कानुनको दायरामा ल्याए पनि
फितलो कानुनको कारण सहजै उन्मुक्ति पाउँदै आएका छन् ।
स्रोतका अनुसार
विश्वकपमा पाँच हजार देखि २५ लाखसम्म सट्टेबाजीको नाममा जुवा राख्ने जुवाडे
काठमाडौंमै छन् । गत बर्ष सट्टेबाजीको आरोपमा एक दर्जन व्यक्ति पक्राउ परेका थिए ।
पक्राउ पर्नेमा पूर्वराष्ट्रिय फुटबल खेलाडी तथा म्याच फिक्सिङमा मुछिएका अन्जन
केसी, नागराजका खास सहयोगी गौरव
तिवारी, नुवाकोट ककनीका २७ वर्षीय
दिनेश वोगटी, भक्तपुर बोलाछैका
२६ वर्षीय विजय श्रेष्ठ, र भक्तपुर
बोलाखुका ३१ वर्षीय नरेन्द्र सुवाल लगायत थिए ।
अहिले यो समूह
पुनः सट्टेबाजीको धन्दामा फर्किएको भन्दै महाशाखाले अनुसन्धान सुरु गरेको हो ।
महाशाखाका एसएसपी सहकुल थापाले सट्टेबाजीका गिरोहमाथी सुक्ष्म रुपमा अनुसन्धान
भईरहेको बताए । सट्टेबाजीका
गिरोहले आईपीएल तथा अन्य राष्ट्रिय तथा अन्तर्राष्ट्रिय खेलहरूमा सट्टेबाजीको
धन्दा चलाउँदै आएका छन् । डि कम्पनी अर्थात अण्डरल्र्ड डन दाउद ईब्राहिमले सञ्चालन
गर्दै आएको सट्टेबाजी धन्दाका कारण बर्षेनी करोडौं रुपैंया बिदेशिने गरेको छ ।
नेपालमा बुकी
खेलाउने मध्ये नागराज अग्रस्थानमा छन् भने सेठ्ठी भनिने राकेश अग्रवाल, रमेश अयोग्य नेपालका प्रमूख बुकीका एजेन्ट हुन्
। यी सबै भारतीय नागरिक हुन् ।
0 Comments