काठमाडौँ । महानगरीय प्रहरी वृत्त
बालाजुबाट खटिएको प्रहरीको विशेष टोलीले फुटुङ डाँडागाउँबाट प्रहरीले पाटे बाघको
छालासहित २ जनालाई पक्राउ गरेको छ । पक्राउ पर्नेमा रसुवा घर भएका वर्ष २८ को होम
बहादुर तामाङ र रसुवाकै वर्ष २८ को आइते तामाङ रहेका छन् ।
प्रहरीको
विशेष टोलीले २४ लाख बार्गेनिङ गर्दागर्दै उनीहरुलाई पक्राउ गरिएको महानगरीय
प्रहरी परिसर काठमाडौँका प्रवक्ता डीएसपी होविन्द्र बोगटीले जानकारी दिए ।
बाघको
छाला कारोबारी हुने गरेको सूचना पाएपछि प्रहरीले नार्गाजुन जंगल नजिकैबाट
उनीहरुलाई पक्राउ गरिएको बालाजु वृतका प्रमुख बालनर सिहं राणाले जानकारी दिए ।
उनीहरुको
साथमा ५ जना थिए । अन्य ३ जना भागेको बताइएको छ । पक्राउ परेका उनीहरुलाई बालाजु वृत्त ल्याई थप अनुसन्धान कार्य अघि
बढाइएको प्रहरीले जनाएको छ ।
0 Comments