काठमाडौँ, १६ चैत । नेपाली काँग्रेसका नेता दिपक खड्काले काठमाडौँमा बस्ने संखुवासभाका विद्यार्थी तथा मजदूरलाई समस्या परे सहयोग गर्ने बताउनुभएको छ ।

संखुवासभाबाट २०७० सालमा निर्वाचित सांसदसमेत रहनुभएका नेता खड्काले विश्वमा फैलँदै गएको नोबेल कोरोना भाइरस (कोभिड–१९)का कारण सरकारले लकडाउन गरिसकेको वर्तमान परिस्थितीमा विद्यार्थी र मजदूर क्षेत्रमा समस्या आउनसक्ने भन्दै सहयोग गर्ने बताउनुभएको हो ।

“संखुवासभाबाट काठमाडौँ आएर जो अध्ययन र मजदूरी गरिरहनुभएको छ, उहाँलाई खानको समस्या उत्पन्न नहोस् भनेर मैले सहयोग गर्न लागेको हो,”–नेता खड्काले भन्नुभयो ।

पूर्वमन्त्रीसमेत रहनुभएका खड्काले विपत्तीको सामना सँगै मिलेर गर्नसमेत संखुवासभाबासीलाई आह्वान गर्नुभएको छ । उहाँले विद्यार्थी र मजदूरलाई अफठ्यारो परे आफ्नो नम्बर ९८५१०५३९१९, सेवक पोखरेलको नम्बर ९८५१०२०६०४, श्यामसुन्दर शेर्पा ९८५२०५१४०७ र सन्दिप निरौलाको ९८५१०३७१७९ नम्बरमा सम्पर्क गर्न आग्रह समेत गर्नुभएको छ ।

उहाँले विश्वव्यापी रुपमा फैलिएको कोभिड–१९ को सम्भावित सङ्क्रमणबाट जोगिन घरभित्र बस्नसमेत सम्पूर्ण देशबासीलाई आग्रह गर्नुभएको छ ।

Post a Comment

 
Top